Шымкенттің 18-мөлтек ауданындағы көп қабатты үйлердің маңынан мәйіт табылды, деп хабарлайды TVK арнасы.
Топыраққа терең көмілмеген дене ойын балаларының көзіне түсіп қалған.
Қылмыс 21 желтоқсан күні жасалғаны белгілі болды. Күдікті кісі өлтіріп, қылмысын жасыру үшін мәйітті сол күні таңғы 4-тер шамасында гараждардың арасына көме салған.
Еңбекші аудандық полиция бөлімінің жедел іздестіру тобы күдіктіні көп ұзамай қамауға алды. Мәлім болғандай, адам өлтіріп қашып жүрген 1990 жылғы жігіт Қайнарбұлақ саяжайында қолға түсті. Ол өзінен 16 жас үлкен кісіні аяусыз соққыға жыққан. Ауыр тепкіні көтере алмай жан таспырған 1974 жылғы азамат бұрын сотталған. Оқиға қаладағы пәтерлердің бірінде болған.
