Шымкентте экстремистік бағыттағы материалдарды таратты деген күдікпен 12 адам арнайы операция кезінде ұсталды, деп хабарлайды BNews.kz ҚР Ұлттық қауіпсіздік комитетінің ОҚО бойынша департаментіне сілтеме жасап.
"Арнайы операцияны бүгін ұлттық қауіпсіздік органы мен ішкі істер департаменті бірлесіп жүргізген. Дінаралық алауыздықты тудырды деген күдікпен 12 адам ұсталды. Олар Түркістан, Арыс, Кентау, Шардара, Созақ және Түлкібас аудандарының тұрғындары. Тергеу барысында анықталғандай, олар экстремистік бағыттағы материалдарды әлеуметтік желілерде таратқан", - деп хабарлады департаментте.
Қазіргі уақытта тергеу жүргізілуде. Осы іске қатысы бар басқа да азаматтардың тұлғасы анықталып жатыр.