Ақпанның 8-10 аралығында ұлттық спорт түрінен «Қыран-2018» атты құсбегілердің республикалық турнирі өтеді, деп хабарлайды Хабар 24 арнасы.
Айтулы доданың басты мақсаты – жақсы үрдісті еліміздің мәдени, рухани ордасы – Алматы қаласында қайта жаңғыртып, қолға алу.
Және биылдан бастап қыран құсты баптаушылардың жарысын өткізуді дәстүрге айналдыру.
Республикалық турнирге Ақмола, Атырау, Шығыс Қазақстан, Қарағанды, Оңтүстік Қазақстан, Жамбыл, Алматы облыстары мен Астана қаласынан 60-қа жуық құсбегілер қатысады.
Жарыс құстың сыны, құсбегінің киім үлгісі, құсты ат үстінен қолға шақыру, шырға тарту кезеңдерінен тұрады.
