Астанада қоғамдық орында жасөспірімді балағаттаған әйел айыппұл төлейтін болды, деп хабарлайды Baq.kz ақпарат агенттігі.
Бұл туралы Астана қалалық сотының баспасөз қызметі мәлім етті.
«9 ақпан күні азамат К. қоғамдық орында И. есімді балаға тіл тигізіп, балағаттаған. Ол өзінің осы әрекетімен қоғамдық тәртіпті бұзып, басқа адамдардың мазасын алған», - деп жазылған хабарламада.
Сотта әйел өзінің ісіне өкінетінін айтып, кінәсін мойындады. Астана қалалық мамандандырылған ауданаралық әкімшілік сотының үкімімен әйел Әкімшілік құқық бұзушылық туралы кодекстің 434-бабы 1-тармағы бойынша әкімшілік жауапкершілікке тартылды. Оған 5 АЕК (12 025 теңге) көлемінде айыппұл төлеу міндеттелді.
Үкім заңды күшіне енген жоқ.