Ақмола облысының Бурабай ауданында балық аулап жүрген 3 адам қаза тапты деп жазады Хабар 24 арнасы.
Оқиға 28 ақпаннан 1 наурызға қараған түні Щучинск қаласының жанындағы Шортан көлінде болған. Балық аулауға барған бір топ жігіт түнде жылынбақ болып балықшыларға арналған дүңгіршектің ішіне от жаққан көрінеді. Алдын ала болжам бойынша, аталған 3 жігіт түтіннен уланып мерт болған. Ал олармен бірге болған тағы 2 жігіт ауыр халде аудандық ауруханаға жеткізілген.
Гүлнәр Пинчук, облыстық ІІД баспасөз хатшысы:- Қазіргі уақытта қаза болған азаматтардың мәйіттері сот-медициналық сараптамасына жөнелтілді. Оқиғаның анық-қанығы осы зерттеуден кейін нақты белгілі болады. Олар жайлы нақты ақпаратты да заңға сәйкес айта алмаймыз.