Францияның қазақтар шоғырланған Гарж-Ле-Гонес деген қалашығында қазақ диаспорасының ұйымдастыруымен өткен Наурыз мейрамында Тамара Асарға қосылып ұлы Қамбар да күй шертті, деп хабарлайды Zakon.kz.
Бұл туралы әнші Тамара Асар өзінің әлеуметтік желідегі парақшасында жазды.
“Бүгін Париждің жанында орналасқан Гарж-Ле-Гонес деген Франция қазақтарының шоғырланған қалашығында Қазақ диаспорасының ұйымдастыруымен Наурыз мейрамы болып өтті. Қандас бауырларымыздың ықылыс ниетімен қошеметіне бөленіп, Сіздерден ыстық сәлемді әнмен күймен жеткіздік. Кәсіби домбырашы болмаса да, Қамбар қолына домбыра алып, сахнада өз өнерін көрсетіп, мейрамға ат салысты… Әр баланың жүрегінде патриоттық сезімнің отын жандыратын ұшқын осылай басталатын шығар… Қанатың талмасын құлыным…”, – деп жазды Тамара Асар.