1 маусымнан бастап Алматы метрополитені пойыздар қозғалысының жазғы кестесіне көшеді. Бұл туралы метрополитеннің баспасөз қызметі мәлім етті, деп хабарлайды Baq.kz.
«1 маусымнан бастап пойыздар қозғалысының интервалы 6.30-дан 9.20-ға дейін және 17.00-ден 20.00-ге дейін 10 минут, басқа уақытта және демалыс күндері электрпойыздарының қозғалыс интервалы 13 минутты құрайды», - деп жазылған хабарламада.
Айта кетейік, жолаушылар пойыздардың қозғалысын «Алматы қ. метрополитені» қосымшасынан автономды режімде қадағалай алады. Қосымшада пойыздар кестесі, метрополитен бекеттері туралы ақпарат, галерея, google-картада бекеттердің орналасуы, метрополитен тарихы, сондай-ақ жолақы құны және төлеу тәсілдері көрсетілген.
