Павлодарда 25 жастағы ер адам Усолка өзеніне батып кетті, деп хабарлайды pavlodarnews.kz тілшісі.
Облыстық ТЖД баспасөз қызметінің мәліметінше, қайғылы жағдай 12 маусым күні сағат 18.05-те орын алған. - Жігіттің батып кеткені туралы кезекшіге әйел адам хабарлады, - деді баспасөз қызметінде.
– Оқиға орнына жеткен жедел құтқару тобына ер азаматтың қай жерде көзден таса болғаны жайлы осы әйел айтып берді. Құтқарушылар көрсетілген жерден 1993 жылы туған ер адамның денесін алып шықты.
ТЖД-де суға батып кеткен адамның үстінде киім болғанын айтты. Қазіргі уақытта жігіттің қандай жағдайда көз жұмғаны анықталуда.
Назым Қарабаева
