11 маусымда Жітіқара және Таран ауданында кәмелеттік жасқа толмаған екі тұрғын суға батып кетті, деп хабарлайды Baq.kz.
Қостанай облысының ТЖД баспасөз қызметінің хабарлауынша, Жітіқара ауданының 17 жастағы тұрғыны арнайы жабдықталмаған жерде суда жүзген.
«ТЖД қызметкерлері қыздың мүрдесін судан алып шықты. Тағы бір қайғылы жағдай Таран ауданындағы Мақсұт ауылында болды. Жергілікті тұрғындар суға түсуге арналып жабдықталмаған жерде балық аулап, суға түсу кезінде батып кеткен 9 жастағы баланың денесін тауып, алып шықты», - делінген хабарламада.