Жамбыл облысында ірі көлемде есірткі тасмалдаушы ұсталды. Полицейлер оны иісшіл иттің көмегімен қолға түсірді. Бұл туралы zakon.kz Хабар 24 арнасы жазған ақпаратқа сілтеме жасап хабарлайды.
Қылмыстық оқиға Шу ауданында болған. Тәртіп сақшылары жылжымалы бекетте «Тойота» маркалы автокөлікті тоқтатып, тексеру жүргізеді.
Тінту кезінде көліктің жүк салатын бөлігінде есірткі жасырылған үш жолаушы сөмкесі анықталды. Қызметтік иттің арқасында 40 келіден астам кептірілген марихуана тәркіленді.
Тергеп, тексеру нәтижесінде есірткі 36 жастағы ақтөбелік азаматқа тиесілі екендігі белгілі болды. Қазір ұсталған адам қамаққа алынып, қылмыстық іс қозғалды.
Авторы: Руслан Бақытбекұлы
