Түркістан облысында жаяу жүргіншілер жол жиегіндегі спорттық сөмкеден жаңа туған нәрестені тауып алды, деп хабарлады sputniknews.kz, Еуразия бірінші арнасына сілтеме жасап.
Шақалақ аптап ыстықта аузы жабық сөмкеде төрт сағатқа жуық болған, тұншығып өлуге шақ қалыпты. Тастандыны тауып алған әйелдің айтуынша, қыз бала әуелде қып-қызыл болып, қимыл-қозғалыссыз жатқан.
Қазір бала балалар ауруханасында жатыр. Дәрігерлер қыздың туғанына бар-жоғы үш күн болғанын анықтады, оған Айым деген есім беріпті.
Өңір полициясы көкек ананы іздестіріп жатыр.
