Қолында кеңсе пышағы бар ер адам қалада серуендеп жүрген, деп хабарлайды Baq.kz ақпарат агенттігі diapazon.kz сайтына сілтеме жасап.
Ноутбугі бар 15 жастағы жасөспірім ұялы телефонмен сөйлесіп бара жатқан. Оған жақындап келген ер адам оның қолынан ұстап алып, подъездің жанындағы орындыққа мәжбүрлеп отырғызады. Бейтаныс ер адам жасөспірімнің аяғына кеңсе пышағын сұғып алып, телефоны мен ноутбугін беруді талап еткен.
Бала оағн ештеңе бермейтінін айтып, кетіп қалмақ болған. Ер адам пышағын тағы да сілтеп қалғанда жасөспірімнің алақанын кесіп кеткен.
Оны итеріп жіберген бала ноутбугі бар пакетін тастап, адамдар жүретін жолға қарай қаша жөнелген. Полиция қызметкерлері күдіктіні көріп, ұстап алған.
Ол Қаракөл ауылының 25 жастағы тұрғыны болып шықты.