Денсаулық сақтау саласының өзекті проблемалары мен медициналық қызмет көсету сапасын арттыру мәселесі қарастырылған үкімет отырысында министр Елжан Біртанов дəрі-дəрмек бағасын реттеу жүйесі қашан іске қосылатынын айтты, деп хабарлайды Zakon.kz.
"Өзекті проблемалардың бірі - азаматтардың дəрімен қамтамасыз етілу құқықтарын сақтау. Біз жылдың басынан бастап халықтан түскен 3 мыңнан астам шағымға талдау жүргіздік. Олардың басым көпшілігі дəрілік заттарды сатып алуды жоспарлаудың тиімсіз жүйесі және дəрілік қамтамасыз ету рəсімдерінің ашық болмауымен байланысты", - деді Біртанов.
Оның айтуынша, 11 өңірде жалпы құны 4,3 млрд теңге болатын 2016-2017 жылдарға арналған дәрі-дәрмектердің пайдаланылмаған қалдықтары анықталған.
«Дәрі-дәрмектергеу деген өтінімдерді дұрыс жоспарламағаны белгілі болды. Үш облыс өтінім берген көлемнен бас тартты: Қызылорда облысы 600 млн теңге, ОҚО - 500 млн теңге, Қарағанды облысы - 400 млн теңге», - деп атап өтті Е.Біртанов.
Министрдің айтуынша, мемлекеттік бағдарламада көзделген азаматтарды дəрімен қамтамасыз ету жөніндегі шаралар барлық тегін дəрі-дəрмек беруді дербестендірілген электрондық есепке алуды қамтиды.
"Мемлекет басшының тапсырмасына сәйкес, келесі жылдан бастап барлық дəрі-дəрмектің бағаларын реттеу жүйесі əзірленіп, оны іске қосу жəне дəрі-дəрмектік, пилоттық қадағалау жүйесін енгізу жоспарланып отыр. 2020 жылға қарай дəрілік қамтамасыз етудің ақпараттық жүйесі арқылы рецепторлық препараттарды тек қана электрондық түрде босатамыз", - деді Елжан Біртанов.