Vouchercloud порталы әлемдегі ең ақылды елдердің тізімін жасады. Ол Нобель сыйлығының иегерлері, мемлекет тұрғындарының орташа IQ-і және мектеп үлгерімінің критерийлерін есепке алып жасалған. Қазақстандық оқушылар үздік ондықтың қатарына енді, деп хабарлайды Stan.kz.
25 ақылды елдердің негізгі тізіміне бұл жолы Қазақстан кіре алмады. Алайда рейтингті жасағандар отандық оқушылардың жетістіктерін жоғары бағалады. Оқушылары ең үлкен жетістіктерге жеткен мемлекеттер қатарында Қазақстан Швейцария, Израиль, АҚШ және басқа да елдерді басып озып, 9-орыннан көрінді. Рейтингті жасаған авторлардың өзі мұндай көрсеткішке таңғалды.
Тізімде Ресей 6-орынды иеленді. Ал сингапурлық оқушылар әлем бойынша ең ақылды болып шықты.
25 ақылды мемлекеттер қатарын Жапония бастады. Мұнан кейін Швейцария мен Қытай орын алған.