"Қазгидромет" метеоқызметі басшыларының ұсталуына қатысты түсініктеме берді деп жазады sputniknews.kz.
Жемқорлық жасады деген күдікпен "Қазгидромет" РМК Қарағанды облысы бойынша филиалының директоры Роман Андрианов және "Қазгидромет" РМК Бас директорының орынбасары Нұрлан Сұлтанов ұсталды, делінген хабарламада.
"Қазгидромет" РМК жүргізілген тергеу іс-шараларына қолдау көрсетіп, барлық материалды кедергісіз ұсынып отыр және жүргізілген жедел-тергеу іс-шаралары туралы ешқандай мәлімет жоқ екенін хабарлайды", — деп түсіндіріп өтті кәсіпорынның баспасөз қызметі.
Қызметкерлер 17 қаңтарда ҚР ҚК 366-бабы 4-тармағында көзделген қылмысты жасады деген күдікпен ұсталған. Яғни, лауазымды тұлғалар аса ірі көлемде пара алған.
