ҚР Қаржы министрі Әлихан Смайылов мәжілісте Қазақстанның Қытайға қанша қарыз екенін айтты, деп хабарлайды Zakon.kz тілшісі.
– Қытайдың алдында мемлекеттік қарызымыз жоқ, тек кепілді қарыз бар – оның көлемі шамамен $1,2 млрд. Алдыңғы жылдары Қытай Эксимбанкі мен Қытайдың мемлекеттік Даму банкінен автожол салу жобаларына мемлекет кепілдігімен несиелер алынған болатын, – деді ол.
Министрдің түсіндіруінше, кепілді кредиттің ерекшелігі сол, бұл үкіметтің қарызы емес, ұлттық компаниялардың қарызы болып табылады. Мысалы, ҚазАвтоЖол ұлттық компаниясы, немесе әкімдіктер мемлекеттің кепілдігімен несие ала алады.
