Үш қаланың әуежайы әкімдіктерге берілетін болады, деп хабарлайды Zakon.kz.
ҚР Премьер-Министрі Асқар Маминнің төрағалығымен "Самұрық-Қазына" Ұлттық әл-ауқат қоры" АҚ Директорлар кеңесінің отырысында айтылды.
Отырыс барысында жекешелендірудің 2016–2020 жылдарға арналған кешенді жоспарын іске асыру және түзету мәселелері талқыланды.
- "Атырау халықаралық әуежайы" АҚ, "Ақтөбе халықаралық әуежайы" АҚ, "Павлодар әуежайы" АҚ тиісті облыс орталықтарының әкімдіктерінің коммуналдық меншіктеріне беру туралы шешім қабылданды. Аталған шешім көлік қолжетімділігі мен халық жұмылғыштығын қамтамасыз етуді, сондай-ақ өңірлерді дамыту үшін әуежайлардың әлеуметтік маңызын ескере отырып қабылданды, - делінген премьер-министрдің сайтында.