5 сәуірден бастап Алматының орталық көшелерінде жөндеу жұмыстары басталады. Жұмыстар бірден бес жерде жасалады, деп хабарлайды Zakon.kz.
Жоспар бойынша орташа жөндеу жүргізу көзделген: жаңа асфальт төсеу, бордюр ауыстыру, аялдамалар салу, сондай-ақ жолды кеңейту/кішірейту мен паркинг аймақтарын жөнге келтіру.
Жөндеу жүретін жерлер:
Абылай хан даңғылынан Желтоқсан көшесіне дейін квартал ішілік жолдар.
Бөгенбай батыр көшесі Байтұрсыновтан бастап №17 үйге дейін.
Наурызбай батыр көшесі Райымбектен Абай даңғылына дейін.
Гоголь көшесі Назарбаев даңғылынан бастап Әуезов көшесіне дейін.
Қарасай батыр көшесі Мұқановтан бастап Розыбакиев көшесіне дейін.