Президенттік сайлау 16 маусымда өтеді. Бұл туралы саясаттанушы Ербол Еділов мәлімдеді, деп хабарлайды Zakon.kz.
– Менің ойымша, кезектен тыс президенттік сайлау 16 маусымда өтеді. Екі апта бойы дауыстар саналып, 6 шілдеге дейін жаңа Президенттің инаугурациясы өтеді, – деп атап өтті Еділов Instagram-дағы парақшасында.
2019 жылдың 19 наурызында халыққа үндеу жолдаған Нұрсұлтан Назарбаев өз өкілеттігін тоқтататынын мәлім еткен болатын.
20 наурызда Қасым-Жомарт Тоқаев ант қабылдап, мемлекет басшысы қызметіне кірісті.