Біздің нарықта бір жылға жуық болмаған Ravon R3-тің құны қайта өзгерді. Бірақ бұл жолы ақылға қонымды баға қойылды, деп жазады kolesa.kz.
Бұрын хабарланғандай, 2018 жылдың көктемінде өзбекстандық марканың Қазақстанға жеткізілуі тоқтаған еді. (Өзбекстан автокөліктің экспорттық құнын қайта қараған болатын, әдеттегідей ол өзіндік құнынан төмен еді). Өткен жылдың қарашасында R3 Nexia қайта пайда болғанмен, бағасы 4.5 млн теңгеге бір-ақ шарықтап кеткен.
Сәуір айында көліктің құны қайта қаралып, қыстағы бағамен салыстырғанда арзандай түсті. Енді ең қарапайым Comfort MT құны 700 мыңға төмендеп, 3 826 000 теңгеден сатылуда. Ал қос педальді Optimum AT үшін сатушылар 4 115 000 сұрап отыр. Үздік нұсқадағы R3 Nexia Elegant AT 4 290 000 теңгеге бағалануда.