Алдағы президенттік сайлауға байланысты қоғамдық пікір сауалнамасын тек кемінде бес жыл жұмыс істеген заңды тұлғалар ғана өз жұмысы туралы ОСК-на алдын-ала ескерту арқылы өткізе алады. Қалған сауалнаманың бәрі заң бұзушылық болып саналады. Бұл туралы 8 мамырда ОСК отырысында ҚР бас прокурорының орынбасары Болат Дембаев мәлім етті, деп хабарлайды Zakon.kz.
- Сауалнама жүргізу құқығы тек заңды тұлғаларға берілген, жеке тұлғалардың мұндай құқығы жоқ. Бірақ жекелеген БАҚ-тардың мұндай сауалнама жүргізетіні байқалады. Олар бойынша да әкімшілік жауапқа тарту мәселесі қарастырылатын болды, – деген Дембаев мысал ретінде сауалнама жариялаған басылымдардың бірін көрсетті.
Нәтижесінде басылым иесіне қарсы әкімшілік іс қозғалған.