Моңғолияда бір өнерпаз тура Димаш сияқты сахнаға киініп шығып, әлемді аузына қаратқан қазақ әншісінің орындауындағы "S.O.S d'un terrien en détresse" атты француз әнін шырқады деп хабарлайды Zakon.kz.
Кейін белгілі болғандай, ол «Яг түүн шиг» телешоуында өнер көрсеткен Халиун есімді моңғол қызы боп шықты.
Желідегі қауым оның өнерін бағалауда пікірі екіге жарылған. Бірі оны жақтырса, бірі жаратпай қалған.
Бұл талқылау Димаштың да назарынан тыс қала алмады. Ол өз кезегінде өнер иесіне алғыс білдіріп, парақшасында жазба жариялады.
"Өте қызық пародия. Бұл қыз маған, өзіме де қатты ұқсайды ғой. Өте талантты жұмыс", - деп жазды Димаш Құдайберген.
