Үкілі емші бала деп елге танылған аралдық Ербосын бүгіндері Ақтөбеде тұрады. Студент, медициналық колледжде оқу оқиды. Соңғы кездері ол тойға шығып, ән айта бастаған. Мұны Ербосынның Instagram-ғы суреттері мен видеолары айғақтай алады деп хабарлайды Zakon.kz.
Ол 11 жасында отандық ток-шоудың бірінде Төреғали Төреәлімен бірге ән де салған.
Ербосынның өзі емшілік қонған адамда көп өнер болатынын айтып, бір жазбасында ағынан жарылыпты.
Оның желідегі парақшасынан Ресейдегі Титамидің жанына барып, ән шырқап жүрген шымкенттік Назимамен түскен суретін де байқауға болады. Сондықтан алда екеуі жұп боп, ән салып сахнаға шықса, оған таң қалудың қажеті болмас.
