Заң аясындағы тергеу шараларына қаруланып, қатты қарсылық көрсеткен Алмазбек Атамбаев Қырғыз Республикасының Конституциясы мен заңдарын өрескел түрде бұзды, деді Қырғызстан президенті Сооронбай Жээнбеков 8 тамызда Қырғыз Республикасының Қауіпсіздік кеңесінің отырысында, деп жазады kg.akipress.org.
Жээнбеков атап өткендей, Қырғыз Республикасы құқықтық мемлекет болып табылады. Мемлекеттің парызы – барлық азаматтардың заң талаптарына бұлжытпай бағынуын қамтамасыз ету.
- Мемлекет басшысы Қауіпсіздік кеңесінің мүшелеріне елде заңдылықты, бейбітшілік пен қауіпсіздікті сақтау үшін дереу шаралар қабылдануы тиіс екенін жеткізді, - деді баспасөз қызметі.
Отырыс қорытындысы бойынша тиісті шешім шығарылды.
