Халықаралық теннис федерациясына (ITF) сілтеме жасай отырып, бірқатар бұқаралық ақпарат құралдары коронавирустың өршуіне байланысты Федерация кубогының іріктеу матчтарын өтуі тиіс Қытайдың Дунгуан қаласынан Нұр-Сұлтанға ауыстыру туралы шешім қабылданғанын жариялады, деп хабарлайды zakon.kz.
Қазақстан теннис федерациясы Федерация кубогының Азия/Мұхиттық топта жоспарланған іріктеу ойындарын Нұр-Сұлтанда өткізу мүмкіндігіне қатысты 27 қаңтарда ITF-тен ресми сауал түскенін хабарлады.
Сол күні Федерация бұл мәселені қарау үшін ҚР Үкіметіне ұсынды, өз кезегімізде Үндістан, Оңтүстік Корея, Қытай, Тайвань, Индонезия және Өзбекстан командаларының қатысуымен өтетін ойындарды 2020 жылдың 4-8 ақпан аралығында қабылдауға техникалық жағынан дайын екендігін растады.
Осы жағынан алғанда, FedCup іріктеу ойындарын Нұр-Сұлтанда өткізу туралы шешім қазір қарастырылып, шешіліп жатыр.
