Өзбек баспасөзі Өзбекстан президенті Шавкат Мирзиеев 5 ақпанға белгіленген Мәскеу сапарына ойда-жоқта бармайтын болып қалды, деген ақпарат таратуда.
Бұл жерде Мирзиеевтің Мәскеу сапарына өткен жылдың қазан айынан бері дайындалып келгенін айта кету керек.
– Мәскеу сапары барысында Шавкат Мирзиеев президент Путинмен кездесіп, экономикалық және саяси сипаттағы бірқатар мәселелерді талқылауы тиіс болған. Оның үстіне, келіссөздердің күн тәртібінде "Өзбекстанның ЕАЭО кіруі мүмкіндігі туралы" тақырып та болған, – деп жазады желіде журналист Ибраш Нүсіпбаев.
Алайда күні кеше АҚШ мемлекеттік хатшысы Помпеомен кездескеннен кейін Шавкат Мирзиеев өз жоспарын күрт өзгертіп, Мәскеу сапарына бір күн қалғанда сапардан бас тартты.
– Мұндай өте жайсыз оқиғаның Путин мен Лавровтың алаңдаушылығын тудырмай отырғаны қызық, – дейді пост авторы.