Теміртау әкімінен коронавирус расталды, деп хабарлайды zakon.kz.
Қарағанды облысы әкімдігінің баспасөз қызметі хабарлағандай, қала әкімі Ғалым Әшімовтің коронавирусқа тапсырған тесті оң нәтиже көрсетті. Ол қазір үйінде оқшауланған.
Әшімовтің денсаулығы қалыпты, тұрақты. Ол 14 күн үйінен шықпай жатады.
Теміртау әкімі міндетін уақытша оның орынбасары Мирас Құттыбай атқарады.
Әкімдіктің өзі штаттық режимде жұмыс істеп жатыр. Науқаспен қатынаста болған әкімдік қызметкерлері анықталып, коронавирусқа тест тапсырды, бәрінің тесттері теріс нәтиже көрсетті.