Несиелеу ұйымдары мерзімі қысқа, сомасы шағын несиелер беруге көшті, деп хабарлайды zakon.kz LS басылымына сілтеме жасап.
Мәселен, "Первый" кредиттік бюросы жыл басынан бергі төрт айдың ішінде жеке тұлғалардың 2,2 трлн теңгеге несие рәсімдегенін хабарлады. Оның шамамен 200 млрд теңгесі ипотекалық займдар, ал 2 трлн теңгесі кепілзатсыз, кепілзатқа көлік пен баспана тігілетін басқа да кредиттер.
"2020 жылдың алғашқы тоқсанында орташа чек – 264 мың теңге. 2019 жылдың осындай кезеңінде 273 мың теңге болған. Бір жыл ішінде 9 мың теңгеге азайды. Жалпы, қазір орташа сомалар азайып барады. Кредиттік ұйымдардың бәрі қысқа да шағын несиелер ғана беру стратегиясына көшіп алды", – деп атап өтті ұйым өкілдері.