Алматы қаласы әкімдігі Қала құрылысы және урбанистика басқармасы Қазақстанның қалалары көшесінде ілініп тұрған үлкен баннерлерде бейнеленген әйелдің кім екенін айтты, деп хабарлайды zakon.kz.
Facebook қолданушысы Kirr Lavroff қалада орналастырылған баннерлердегі бетперде киген қыздың фотосы freepick.com деген дүниежүзілік тегін фотосуреттер қорынан алынғанын анықтады. Бұдан соң желідегі көпшілік егер фотосуреттің өзі тегін болса, бұл баннерлерді орналастыруға әкімдік қанша ақша жұмсады деп мәселе көтеріп, ойлана бастады.
Алматы қалалық жоспарлау және урбанистика басқармасы бұл жарнаманы орналастыруға Алматы бюджетінен бір де бір тиын жұмсамады, деп хабарлайды StopCov/ ALMATY телеграмм арнасында.
- Қалада баннерлер тегін орналтылады. Карантинге байланысты жарнамаға сұраныс азайды және конструкциялардың көп бөлігі бос, міне солардың орнын әлеуметтік жарнамамен толтыруға болады. Ал баннердегі "жұмбақ әйелге" келетінін болсақ, оны лицензияның келісімінсіз пайдалану мақсатында құрылған фотосуреттер қорынан алдық. Мәселе - Қазақстанда мұндай қызмет жоқ, сондықтан оны басқа жақтан алдық, - делінген хабарламада.
