4 тамызда Ливан әскери-теңіз базасының жанында орналасқан Бейрут портының аумағында қатты жарылыс болды. Салдарынан 70-тен аса адам көз жұмып, мыңдаған адам жарақат алды. Жарылыс күші Ливандағы ҚР дипломатиялық миссиясының ғимаратын да зақымдаған. Бүлінген елшілік кеңсесінің видеосы желіде пайда болды, деп хабарлайды zakon.kz.
Видео @negemedia арнасында жарияланды. Шыны сынған, кеңсе жабдықтары мен жиһаздары бүлінген, төбе құлаған. Белгілі болғандай, жұмыста отырған қазақстандық консул жарақат алған.
