2020 жылғы 24 желтоқсанда ҚР Индустрия және инфрақұрылымдық даму министрлігі "Қазақстан темір жолы" ҰК" АҚ-мен бірлесіп, ҚР және ҚХР шекаралық өткеліндегі ағымдағы жағдайды бағалау үшін "Атамекен" ҰКП өкілдерінің, ірі жүк жөнелтушілердің, вагондар (контейнерлер) операторларының және экспедиторлардың қатысуымен Достық станциясына шығуды ұйымдастырды.
Бүгінгі таңда коронавирустық инфекция пандемиясының алдын алу үшін қытай тарапының карантиндік шараларды күшейтуі нәтижесінде Қытай тарапының қабылдамауына байланысты ҚХР бағытында жүк вагондарының ұзақ тұруы мәселесі байқалады.
Шекара өткелі–Алашанькоу бойынша жүк поездарын тәулік сайын өткізу орташа 8-12 бірліктен аспайды, қажет болған жағдайда кемінде 18 бірлікті құрайды.
Осыған байланысты, күн сайын ҚХР бағытында жүктері бар 7 мыңнан астам вагон тасымалдаумен қамтамасыз етілмейді.
Сапар барысында қатысушыларға Қазақстан-Қытай шекарасы арқылы өтетін және кесте бойынша келген екі поезда контейнерлерді қайта тиеу, жүктерді қабылдау және жөнелту процесі көрсетілді.
Сондай-ақ, "Достық" БӨП шектеу қызметінің, станцияда қайта тиеу процесін жүзеге асыратын вагондар мен объектілердің орнын ауыстыру пунктінің жұмысы көрсетілді.
Сонымен қатар, "ЕвроТранзит" ЖШС, "ЕвроТрансГрупп" ЖШС және "ДостыкТрансТерминал" ЖШС қайта тиеу терминалдарын салу жобалары таныстырылды.
Тексеру қорытындысы бойынша Көлік комитеті төрағасының орынбасары Ж.Ж. Тайжановтың төрағалығымен кеңес өткізілді және қалыптасқан жағдайды шешу үшін бірқатар шаралар талқыланды.
Сондай-ақ, кеңес барысында Достық станциясының жұмысымен танысудың қорытындысы бойынша бизнес өкілдері ҚХР-ға жүктерді тапсыру кезінде қазақстандық тарапта шектеулердің жоқтығына және "ҚТЖ"ҰК" АҚ Алашанькоу станциясы бойынша ҚХР енгізген шектеулерді алып тастау кезінде жеткізу көлемін тәулігіне 18 жұп жүк пойыздарына дейін ұлғайтуға дайын екендігіне көз жеткізді.
