Мекке мен Мединадағы қасиетті мекенге үлкен және кіші қажылыққа коронавирусқа қарсы екпе салдырғандар бала алады. Сауд Арабиясының билігі осындай шешім қабылдады, деп хабарлайды zakon.kz ТАСС-қа сілтеме жасап.
Қажылыққа келушілерге қойылатын басты шарт - коронавирусқа қарсы екпенің болуы, - деді осы елдің денсаулық сақтау министрі Тавфик аль-Рабиа.
Биылғы жылы мұсылмандар үшін қасиетті мекенге үлкен қажылық шілденің екінші жартысында келіп отыр. Былтыр пандемияға байланысты қажылық тек 10 мың адамның қатысуымен өтті, оның 30% -ы - саудиялықтар, 70% -ы осы елде тұратын шетелдіктер. Шет елден келген қажылар қажылыққа жіберілмеді.
Арнайы рұқсат беру кезінде басымдық 20-дан 50 жасқа дейінгі созылмалы аурулары жоқ, коронавирустың жаңа штамын жұқтырмаған, бұрын қажылық өтемеген және карантиндік мерзімге төтеп беруге дайын адамдарға берілді. Олардың арасында коронавирус тудырған аурудан айыққан дәрігерлер де болды. Шетелдік журналистерге шараны жариялауға тыйым салынды.
Өткен жылдың қараша айынан бастап Сауд Арабиясы 50 жасқа дейінгілерді арнайы медициналық анықтама қағазы болғанда умраға біртіндеп рұқсат бере бастады.