Қазақстанның Пәкістандағы елшісі Ақан Рахметуллин ҚР Сыртқы істер министрінің орынбасары болып тағайындалды, деп хабарлайды zakon.kz.
"Мемлекет басшысының өкімімен Ақан Ақасұлы Рахметуллин Қазақстан Республикасы Сыртқы істер министрінің орынбасары лауазымына тағайындалды", делінген Ақорда хабарламасында.
Ақан Рахметуллин 1967 жылы Алматыда дүниеге келген. Үйленген, төрт баланың әкесі, қазақ, орыс, ағылшын, урду тілдерін жақсы меңгерген.
Алматы энергетикалық институтын, ҚР СІМ Дипломатиялық академиясын бітірген.
Әр жылдары ол Қазақстан Республикасы Сыртқы істер министрлігінің Алматыдағы өкілдігінің бірінші хатшысы, кеңесшісі, Нью-Йорктегі БҰҰ жанындағы Қазақстанның тұрақты өкілінің орынбасары, Қазақстан Республикасы Сыртқы істер министрлігі Көпжақты ынтымақтастық департаментінің директоры болды.
Осы тағайындауға дейін ол Қазақстанның Пәкістандағы елшісі болған. Ол бүгін, 5 сәуірде бұл лауазымынан босатылды.