Алматы облысында шенеунік тұрғын үй-коммуналдық қызмет ақысын төлеуге арналған 43 млн теңгені заңсыз иемденді деп күдіктелуде, деп хабарлайды zakon.kz.
ҚР Қаржы мониторингі агенттігінің Алматы облысы бойынша экономикалық тергеу департаментінің қызметкерлері Бірыңғай есептеу орталығы басшысының тұрғын үй-коммуналдық қызметке, оның ішінде жылумен жабдықтауға, су ақысын төлеуге арналған қаражатты басқа шоттарға аудару арқылы ұрлау фактісін анықтады.
Аталған дерек бойынша ҚР Қылмыстық кодексінің 189 бабымен сотқа дейінгі іс тіркелді. Келтірілген залал мөлшері 43 млн теңге.
Қазір тергеу амалдары жүргізілуде.