Білім және ғылым министрлігі ақылы олимпиадалар мен жарыстарды өткізуге ешқандай қатысы жоқ екенін мәлімдеді, деп хабарлайды zakon.kz тілшісі.
Конкурстар мен олимпиадалар өткізетін жеке ұйымдар бар. Бұл жарыстардың барлығы дерлік ақылы, ал министрліктің бұл ақылы жарыстар мен олимпиадаларға еш қатысы жоқ екенін баса айта кету керек, - деді Орталық коммуникациялар қызметінде өткен брифингте Білім және ғылым вице-министрі Шолпан Каринова.
Оның айтуынша, бұл сала лицензиялауға жатпайды және мұндай олимпиадалар мен жарыстарға министрліктен ешқандай рұқсат қажет емес.
Кейбір олимпиадалар өте жақсы деңгейде өтеді, бірақ мектеп мұғалімдері мен ата-аналарының мәліметтері бойынша, олардың кейбіреулерінің деңгейі өте төмен. Сондықтан мұндай олимпиадаларға қатыспас бұрын, оған қатысудың қандай қажеттілігі барын, бұл олимпиадалардың балалардың қандай дағдыларын дамытатынын түсініп алу керек, - деді вице-министр.
Ол ақылы олимпиадаларға қатысу ерікті екенін атап өтті. Мектептің де, мұғалімдердің де, әдістемелік қызметтердің де бұл шараларды ұйымдастыруға қақы жоқ, сәйкесінше оған мәжбүрлеуге де құқығы жоқ. Егер осындай фактілер анықталса, Шолпан Каринова білім беру сапасын қамтамасыз ету департаментіне хабарласуды ұсынды.
