Оңтүстіккореялық студенттер Абай Құнанбайұлының шығармашылығымен танысты, деп хабарлайды zakon.kz "Хабар 24-ке" сілтеме жасап.
Атақты қазақ ақынына арналған онлайн дәріс Сеулде өтті. Түркітану институтында өткен іс-шараға хәкім Абайдың шығармашылығын корей тіліне аударған аудармашы, ақын Ким Бён Хака қатысты.
Онлайн-дәріс Қазақстан Президенті Қасым-Жомарт Тоқаевтың Оңтүстік Кореяға жасаған іссапарымен орайластырылды. Ал бүгін Сеулдегі кибер университетінде ұлы ақынның құрметіне жасалған ескерткіштің ашылуы өтеді.
Ли Ен Джон, Түркітану институтының қызметкері:
Осы дәрістер арқылы қазақ халқының ақыны Абай Құнанбаевпен жақынырақ таныстым. Оның шығармашылығы мен даналығына тәнті болдым. Әсіресе Ескендір поэмасы әсерлі болды. Онда ұлағатты, нақыл сөздер көп екен.