Шардара ауданының тұрғындары толықтай коронавирусқа қарсы екпе алды. Бұл жерде 78 мың адам тұрады, дейді Түркістан обылысы әкімінің баспасөз қызметі.
Аймақтағы вакцина салдыруы тиіс 35 625 адамның барлығы вакцинаны қабылдап алыпты. Қалған тұрғындар денсаулық жағдайына байланысты екпе салдырудан босатылған. Оның ішінде кәмелет жасқа толмаған балалар да бар.
Сондай-ақ, облыстағы Созақ ауданында 99%, Отырар мен Төле би аудандарында 96%, Арыс 95% пен Мақтаарал ауданы тұрғындарының 93% екпе салдырыпты.
Облыс бойынша вакцинаның бірінші бөлігін 778 010 адам салдырды, ал екінші компонентті 625 117 тұрғын қабылдады.
