Жамбыл облысының Гранитогорск кентіндегі мектеп-интернат ұжымы көмек сұрады, деп хабарлайды zakon.kz.
Олардың үндеуі Instagram парақшасында жарияланды.
Посмотреть эту публикацию в Instagram
Қызметкерлердің айтуынша, интернатта әр бос орын 300 мың теңгеге сатылады.
Мемлекеттік бюджеттен бөлінген ақша шатырды жөндеуге жетпей қалды, балалар тамақ алмайды (түнде нан мен майонез жейді), көмір тек қағаз жүзінде сатып алынады, ғимаратта кенелер пайда болды, биыл қызметкерлер жөндеу жұмыстарын жүргізді, бұған бөлінген қаржы жоғалып кетті, - делінген хабарламада.
Өз кезегінде, өз шындығын Меркі ауданының әкімдігі түсіндіріп бағады.
Әкімдік мәлімдегендей, пост жарияланғаннан кейін әкім Руслан Нұрсипатовтың тапсырмасы бойынша, тексеру жүргізілді.
10 қазанда жауған жаңбырдан кейін ғимараттың төбесінен №50 бөлмеге су ағып кетті. Кезекшілер бірден тәрбиеленушілерді басқа бөлмеге ауыстырды. Келесі күні шатыр жөнделіп, қалпына келтірілді. Қазір ғимарат іші жылы әрі құрғақ, - делінген хабарламада.
Сондай-ақ, баспасөз қызметі интернат көмір қорымен толық қамтамасыз етілгенін атап өтті.
Қазір 320 тонна бар. Аталған мектеп облыстық Білім басқармасының қарамағында болғандықтан, қаржы, кадр және басқа да мәселелер бойынша барлық шағымдар тексеріледі.
Әкімдіктің хабарлауынша, бұл видеоның авторы интернат қызметкері емес, тіпті бұл ауылдың да адамы емес көрінеді.
Бақытжан Отарбаева