Алматыда шеру кезінде көп адам жарақат алып, аурухана дәрігерлері жұмыла жұмыс істеді. Zakon.kz тілшісі қала қалыпты тіршілікке оралғаннан кейін орталық қалалық клиникалық ауруханасының жұмысын көріп қайтты
Бүгінгі күні емхана 24/7, яғни тәулік бойы жұмысын жалғастырып, Алматы қаласының тұрғындарына шұғыл жоспарлы медициналық көмек көрсетіп жатыр.
Қаңтар айының басында болған теракт кезінде аталған арухананың медицина қызметкерлері зардап шеккен жоқ.
2020 жылдың наурыз айынан бастап клиника бірінші эшелондағы covid-19 коронавирус жұқтырған науқастарды емдеу үшін инфекциялық стационарға қайта бейімделді. Мұнда өте ауыр және ауыр науқастар ауруханаға жатқызылады. Бейінді төсек саны 500-ден 700 төсекке дейін, ал реанимациялық төсек саны 15 төсектен 105 төсекке дейін ұлғайтылды. Аурухана ғимараты тәртіпсіздіктер кезінде зардап шекпеді.
Қазіргі таңда бұл ауруханада 1255 қызметкер жұмыс істейді. Оның ішінде 232 дәрігер, 460 медбике, 300 кіші медициналық қызметкер және 263 өзге қызметкерлер науқастардың жазылып кетуі жолында аянбай тер төгіп жүр.