Нұр-Сұлтан уақыты бойынша сағат 06:00-де Вашингтон, Нью-Йорк және Оттава қалаларындағы сайлау учаскелері жабылды, осылайша Қазақстан Республикасының Конституциясына өзгерістер мен толықтырулар енгізу жөніндегі республикалық референдумда дауыс беру аяқталды. Қазақстан Республикасы Сыртқы істер министрлігінің баспасөз қызметі
Ведомствоның мәліметінше, шетелдегі 65 сайлау учаскесінде сайлаушылардың 72,95 пайызы сайлауға қатысқан.
5 маусымда Қазақстанда Конституцияға өзгерістер мен толықтырулар енгізу бойынша референдум өтті. Алдын ала мәліметтер бойынша, елімізде 8 миллионнан астам сайлаушы немесе сайлау құқығы бар азаматтардың 68,44 пайызы дауыс берді.
