Сот үкіміне сай: Біртанов Елжан Амантайұлы Қазақстан Республикасы Қылмыстық кодексінің 361-бабының 3-бөлігімен санитарлық авиацияның авиациясын пайдалану эпизоды бойынша қылмыстық құқық бұзушылық жасағаны үшін кінәлі емес деп танылсын және аталған қылмыскердің болмауына байланысты қылмыстық жауапкершіліктен босатылсын. Біртанов Елжан мен Әбішев Олжас Қазақстан Республикасы Қылмыстық кодексінің 361-бабының 4-бөлігінің 3-тармағында көзделген қылмыстық құқық бұзушылықты жасағаны үшін кінәлі деп танылып, осы бап бойынша Біртановқа бес жыл мерзімге бас бостандығын шектеу түріндегі жаза тағайындалды. Әбішевке – 4 жыл мерзімге бас бостандығын шектеу түріндегі жаза берілді», - деді судья Ибрагим Әлкенов.
Әбішевке 4 жыл мерзімге шектеу тағайындалды.
26 қазанда Елжан Біртанов пен Олжас Әбішев сотта соңғы сөздерін айтты. Сотта соңғы сөзді бұрынғы денсаулық сақтау министрі Елжан Біртанов пен экс-вице-министр Олжас Әбішев айтты. Олар кінәларын мойындамай, соттан өздерін ақтауды сұрады.
11 қазанда прокурор Елжан Біртановты алты жылға бас бостандығынан айыруды сұраған.
19 қазанда Астанадағы сотта бұрынғы денсаулық сақтау министрі Елжан Біртановтың қорғаушысы жарыссөзді аяқтады.
Экс-министр және бұрынғы денсаулық сақтау вице-министрі хорватиялық Ericsson Nicola Tesla компаниясы жасаған Денсаулық сақтау министрлігінің ақпараттандыру платформасын қабылдап, іске қосу арқылы өкілеттігін асыра пайдаланды деп айыпталып отыр.
