Асанованың айтуынша, алматылықтар жексенбі күні түскі уақытқа дейін ұйықтайды.
"Сағат 12:00-де шәй ішеміз, сосын үйден жайбарақат шығамыз. Соған байланысты деп ойлаймын. Кешке қарай сайлаушылардың саны артатын шығар. Бүгін де күн салқын, жаңбыр жауды, бірақ қазір ауа-райы жақсарып бара жатқан сияқты, - деп жауап берді Жанна Асанова.
Ол «барлығын сайлауға келуге» шақырды.
Бұған дейін хабарланғандай, Астана уақыты бойынша сағат 12:05-те сайлаушылардың алдын ала қатысуы тізімге тіркелген сайлаушылардың жалпы санының 38,55 пайызын құраған.
2022 жылдың 20 қарашасында Қазақстанда кезектен тыс президент сайлауы өтеді. Алғашқы сайлау учаскелері сағат 6:00-де ашылды.