Тараптар атом энергиясын бейбіт мақсатта пайдалану саласындағы екіжақты ынтымақтастықты дамытуды талқылады, деп хабарлайды ҚР Энергетика министрлігінің баспасөз қызметі. Сонымен қатар, министр Раманимен Франция тарапы Қазақстандағы бірінші атом электр стансасы үшін ұсынған EPR-1200 реакторын талқылады.
"Францияда толық ядролық отын өндіру циклі бар. 2021 жылы Өскеменде француздық Framatome технологиясы бойынша Қытай атом электр станциялары үшін дайын ядролық отын шығаратын Үлбі-ТВС зауыты іске қосылды". Энергетика министрлігінің баспасөз қызметі
Қазақстан жоспарланып отырған атом электр станцияларының құрылысы үшін ядролық технологиялардың төрт әлеуетті жеткізушісін қарастыруда: Қытайдың CNNC, Ресейдің «Росатом» мемлекеттік корпорациясы, француздық EDF және оңтүстіккореялық KHNP.
Өткен ақпан айында энергетика мамандары Қазақстанда атом электр станциясын салу мәселесін талқылаған болатын. Олар елімізде атом электр станциясының қажеттілігінің негізгі себептерін атады.
