Астананың Көлік және жол-көлік инфрақұрылымын дамыту баскармасы жол қозғалысы қауіпсіздігі үшін қалалық ПД Әкімшілік полиция басқармасымен келісе отырып, Досмұхамедұлы көшесінен Алаш тас жолына дейінгі учаскеде әл-Фараби даңғылында жол жөндеуді бастады. Бұл туралы елорда әкімдігінің ресми сайты хабарлады.
"Осыған байланысты 4-7 тамыз аралығында аталған учаскеде көлік қозғалысы ішінара жабылады. Елорда тұрғындары мен қонақтары қала жолдарында кептеліс тудырмас үшін қозғалыс бағытын алдын ала жоспарлауы қажет", - делінген хабарламада.
