2023 жылдың қаңтар-қараша аралығындағы жалпы тауар айналымы, Ұлттық статистика бюросының мәліметі бойынша, өткен жылдың сәйкес кезеңімен салыстырғанда номиналды мәнде 3%-ға төмендеп, 25 741,4 миллион долларды құрады.
Қазақстанның ЕАЭО елдерімен сыртқы сауда айналымының жалпы көлемінде Ресей 91,6%, одан кейін Қырғызстан – 5%, Беларусь – 3,3% және Армения – 0,2% келеді.
ЕАЭО елдерімен экспортта ең үлкен үлесті машиналар, жабдықтар, көлік құралдары, аспаптар мен аппаратуралар алады – 26,5%, одан кейін химия және сабақтас салалар өнімдері – 26%.
Қазақстан ЕАЭО елдерінен негізінен жануар және өсімдік текті өнімдерді, дайын тамақ өнімдерін – 19,9%, металдар мен олардан жасалған бұйымдарды – 19,3% импорттайды.
Өткен жылдың 11 айында Қазақстанның ЕО елдерімен тауар айналымы 5 пайызға артып, 38 миллиард долларға жуықтады. 2022 жылы ЕО-дан Қазақстанға инвестиция көлемі 12,5 миллиард долларды құрап, соңғы 10 жылдағы ең жоғары деңгейді көрсетті.