Сенат спикері Мәулен Әшімбаев ОСК Сенаты тағайындаған Анастасия Щегорцованың өкілеттік мерзімі аяқталғанын мәлімдеді.
"Біз қызметтен босату туралы қаулы қабылдауымыз керек. Орталық сайлау комиссиясының мүшесі Анастасия Геннадьевнаға қызметі үшін алғыс білдіреміз және алдағы қызметте табыс тілейміз", — деді ол
Бұған дейін Мемлекет басшысы Қасым-Жомарт Тоқаевтың Қазақстан Орталық сайлау комиссиясының (ОСК) екі мүшесін қызметінен босатып, жаңаларын тағайындағаны хабарланған болатын.
Атап айтқанда:
ОСК-ның келесі мүшелері қызметінен босатылды:
- Сәбила Сапарқызы Мұстафина Қазақстан Республикасы Орталық сайлау комиссиясының мүшесі лауазымынан босатылды;
- Константин Викторович Петров Қазақстан Республикасы Орталық сайлау комиссиясының мүшесі лауазымынан босатылды.
ОСК-ның мүшелері болып тағайындалды:
- Азамат Мақсотұлы Айманакумов Қазақстан Республикасы Орталық сайлау комиссиясының мүшесі лауазымына тағайындалды;
- Михаил Михайлович Бортник Қазақстан Республикасы Орталық сайлау комиссиясының мүшесі лауазымына тағайындалды.