Тоқаев Орталық сайлау комиссиясының жаңа мүшелерін тағайындады

Мемлекет басшысы Қасым-Жомарт Тоқаев Қазақстан Орталық сайлау комиссиясының (ОСК) екі мүшесін қызметінен босатып, жаңаларын тағайындады, деп хабарлайды Zakon.kz.

Бұл туралы бүгін, 2024 жылғы 7 қарашада Ақорда сайтында жарияланған құжаттардан белгілі болды.

Осылайша, Мемлекет басшысының Жарлықтарымен Қазақстан Республикасы Орталық сайлау комиссиясының келесі мүшелері қызметінен босатылды:

Сәбила Сапарқызы Мұстафина Қазақстан Республикасы Орталық сайлау комиссиясының мүшесі лауазымынан босатылды;

Константин Викторович Петров Қазақстан Республикасы Орталық сайлау комиссиясының мүшесі лауазымынан босатылды.

Мемлекет басшысының өзге де жарлықтарымен мыналар Қазақстан Республикасы Орталық сайлау комиссиясының мүшелері болып тағайындалды:

Азамат Мақсотұлы Айманакумов Қазақстан Республикасы Орталық сайлау комиссиясының мүшесі лауазымына тағайындалды;

Михаил Михайлович Бортник Қазақстан Республикасы Орталық сайлау комиссиясының мүшесі лауазымына тағайындалды.