Тоқаев Астанада қонақтарды қарсы алғанына қуанышты екенін айтты.
"Қазақстанға мемлекеттік сапармен келу туралы шешіміңізге тағы да ризашылығымызды білдіреміз, бұған дейін де атап өткенімдей, ол біздің стратегиялық әріптестігімізді кеңейту және тереңдету тұрғысынан үлкен маңызға ие. Шағын құрамда жаңа ғана біз күн тәртібіндегі барлық мәселені егжей-тегжейлі әрі іскерлік атмосферада талқыладық. Күн тәртібінің көлемі ауқымды. Өзара ынтымақтастыққа келетін болсақ, менің ойымша, ортақ пікірге келе алдық", - деді Мемлекет басшысы.
ҚР Президенті қос үкіметке де тиісті тапсырмалар берілгенін және алда үлкен жұмыстар күтіп тұрғанын атап өтті.
"Мен, президент ретінде, әрине, бұл жұмыстарды бақылайтын боламын, өйткені біз Ресей Федерациясымен ынтымақтастықты дамытуға басымдық береміз. Біздің мемлекеттеріміз арасында қандай да бір қиын проблемалар жоқ... Ынтымақтастық дамып келе жатқанда, әрине, мемлекет басшылары мен үкімет басшыларының назарын талап ететін сәттер пайда болатыны белгілі. Ол үшін барлық мәселені шешуге бағытталған осы тектес іс-шаралар жүзеге асырылады", - деп сөзін толықтырды Қасым-Жомарт Тоқаев.
Оның айтуынша, бүгін жалпы мәлімдемелер, декларациялардан тұратын ауқымды құжаттар пакетіне қол қойылады.
"Мұның бәрі, әрине, өте маңызды. Біздің ынтымақтастығымыз өрлеуші бағытта дамып келеді әрі қайтарымсыз серпінге ие, әрине, біздің міндетіміз оның өз қарқынын төмендетпеу, елдеріміз арасындағы сауда-саттықтың ойдағыдай дамыту, инвестициялық ынтымақтастықты тереңдете түсу, сондай-ақ, әрине, гуманитарлық және білім беру салаларындағы байланыстар да жоғарылай дамытудан тұрады ", - деп сөзін аяқтады Мемлекет басшысы.
Айта кетсек, 28 қарашада Қазақстан президенті Қасым-Жомарт Тоқаевтың төрағалығымен ҰҚШҰ Ұжымдық қауіпсіздік кеңесінің кезекті сессиясы өтеді.
