Мемлекет басшысы Германияның Федералдық Канцлері сайлауында жеңіске жеткен Фридрих Мерцке құттықтау жеделхатын жолдады.
"Президент екі ел арасындағы стратегиялық серіктестіктің ауқымы кеңейіп келе жатқанын ризашылықпен атап өтіп, қазақ-герман ынтымақтастығының жоғары қарқынын сақтау үшін бірлесіп жұмыс істеуге дайын екенін растады", деп хабарлайды Ақорданың баспасөз қызметі.
Бұған дейін 2025 жылы 6 мамырда Христиан-демократиялық және Христиан-социалистік одақтары (ХДС/ХСО) атынан ұсынылған кандидат ГФР тарихындағы оныншы канцлер атанғанын жазғанбыз. Фридрих Мерц Бундестагтағы екінші дауыс беру нәтижесінде Германия канцлері болып сайланды. Ол Германияның Социал-демократиялық партиясымен (SPD) бірлесіп, коалициялық үкіметті басқаратын болады.