Бұл туралы Президент 2025 жылғы 11 қарашада "Российская газета" басылымында жарық көрген авторлық мақаласында мәлімдеді.
"Біздің елдерді біріктіретін тағы бір маңызды белес – Байқоңыр ғарыш айлағының 70 жылдық мерейтойы. Бұл кешен әлемдік ғарыш саласының бесігі әрі адамзат ақыл-ойының ұлылығын паш ететін символ ретінде әділ бағаланады", – деп жазды Қасым-Жомарт Тоқаев.
Мемлекет басшысы атап өткендей, ондаған жылдар бойы Байқоңыр екі елдің стратегиялық серіктестігінің берік діңгегі болып, ғылыми-техникалық прогрестің және болашаққа ұмтылыстың айғағына айналды.
Сонымен қатар Тоқаев Қазақстан мен Ресей жаңа стратегиялық серіктестік дәуірін ашады деп мәлімдеді.
Қасым-Жомарт Тоқаевтың авторлық мақаласының толық мәтінімен мұнда танысуға болады.